- ‘Joker’ (kanan) ni Robert Olazo
Di ko akalaing magtatagal ako sa isang art exhibit sa mall. Buti na lang at tumigil ako sandali sa pag-shopping at sumilip sa mga larawang nakapaskil sa Power Plant Mall nitong huling Linggo.
- ‘Voo Doo Child’ ni Robert Olazo
Pinamagatang “Lost” ang group exhibit. Patungkol ito sa iba’t ibang uri ng kalungkutan at pag-iisa ayon sa iba’t-ibang pintor.
- ‘OMFG’ (kaliwa) at ‘Andromeda’ (kanan) ni Patrick Astilla
Tinatanong ng exhibit kung tunay nga bang malas kung sakaling mawala ka o maligaw, o kung, sa kantunayan, kailangang mawala bago tunay na matagpuan ang sarili.
- ‘Moon Pulls’ ni Aeon Barrameda
Umikot ako sa pinaghalong imahen ng pantasya, takot, kalungkutan, pag-iisa, at pagkabagot.
- ‘Untitled’, ‘Be a Good Student’ at ‘Dark Chocolate’ ni Olivia Marie Cruz
Merong mga larawang magaan sa paningin, pahapyaw. At meron ding buntis sa mabigat na palaisipan.
- ‘Sexy?’ (kaliwa) at ‘Kill Them Bitches’ (kanan) ni Jesse Lazaro
Sino ba namang di maliligaw sa mall?
- ‘Half Empty, Half Full’ ni Camille Anne Samson
Sinong di makakalimot sa sarili pagsabak sa siyudad, kung saan binubura ng kongkreto ang iyong pangalan?
- ‘You Could Be Anyone’ ni Camille Anne Santos
Kung madaling mawala sa dalampasigan pagtapak ng paa sa humahaplos na mga alon, madali ring malunod sa dilaw na karagatan ng San Mig.
- ‘Self Portrait’ ni Camille Anne Santos
Sa ating bawat paggising, sino ba ang nakikita sa salamin?
Sino ang tumitingin?
leave your comment