Punchdrunk Panda para sa iyong kamera

by Be-Blogger Pilipinas on: Octubre 31st, 2011

 

Para sa mga baguhang photographer na gumagamit ng SLR, sigurado akong kung ano-ano ang mga tanawin, lugar, hayop, at pagtitipon ng mga tao ang naiisip nilang makunan gamit ang kanilang bagong “laruang” gadget. Malimit, gusto nilang matagpuan ang di karaniwang nakikita, o ang kakaiba.

 

 

Ano pa ba ang makakaudyok ng imahinasyon tulad ng mga bagong disenyo ng Punchdrunk Panda para sa mga SLR camera strap: mayroong mga cartoon ng mga alien, mayroong mga eksensng may lumang simbahan at kalesa, at mayroong disenyong humuhugot ng inspirasyon mula sa mga tela ng mga katutubo ng Pilipinas.

 

 

Itong una, “Imaginatiooooon”, ay gawa ni Rob Cham, isang 21-taong-gulang na illustrator at graphic designer.

 

 

Ang susunod na “Streets of Manila” ay gawa ni Nathana Go. Samantalang ang “Off to Work” ni Joseph Velasquez ay nagpapakita ng mga alien na nakabihis at papunta sa trabaho.

 

 

Gawa rin ni Velasquez ang “Elyenz”, na nakatuon naman sa ibang planeta. Ang huling “Etnik” naman ay yari ni Pat Manlapas.

Di pa ako nakakagamit ng SLR, pero pagdating ng panahon, sigurado akong maghahanap din ako ng strap na ganito kakulay.

 

El Bosquejo

 
 

leave your comment