Nakahahawa: Biophilia ni Björk

by Be-Blogger Pilipinas on: Febrero 10th, 2012

 

Sa pagkakaalam ko, pinakaunang music album app ang “Biophilia” ni Björk, ang sikat na musikera galing Iceland. Noong isang taon pa ito lumabas, at kagad kong dinownload ang app. Sabi ko sa sarili, sa susunod ko na papakinggan. Sino ba namang di mamamangha sa kakaibang konsepto, at siyempre, sa kagila-gilalas na tugtugin ni Björk?

 

 

Kanina lang ako nagkaroon ng pagkakataong tingnan at paglaruan ang app. Ito ang una kong nakita: isang galaxy na ang bawat araw o planeta ay kumakatawan sa isa sa mga kanta ng “Biophilia”.

 

 

Ito ang itsura ng intro sa kantang “Moon”.

 

Imagen de previsualización de YouTube

 

At ito naman ang official music video ng awitin. Alam kong wala sa panlasa ng lahat ang uri ng sining ni Björk, pero para sa akin, gusto ko ang kanyang musika dahil di ko alam madalas kung kumakanta siya ng oyayi o nanghahamon makidigma; magkasabay na malumanay at mabagsik ang kanyang mga kanta.

Ano naman ang pinagkaiba ng video sa app? Interactive ang app: bukod sa orihinal na kanta, marami ka pang maaaring gawin, tulad ng pagbuo at pag-save ng sarili mong tugtugin. Basahin ang sumusunod na pinahabang intro para sa “Moon”.

 

 

Base sa video sa taas, parang alam ko nang matutuwa ako sa pakikinig/paglalaro ng app ng “Biophilia”. Diba, parang mas masaya pa sa mga games na “Fruit Ninja” at “Temple Run”?

 

 

Eto ang iba pang introng larawan ng iba pang awitin. Mamayang gabi rin, bibilhin ko lahat ng app, pakikinggan ang kabuuang album, at titingnan kung ilang oras ang lilipas sa pagsiyasat sa isa na namang kakaibang album ni Björk.

 

 

 

 

 

 

 

 

 

 

El Bosquejo

 
 

leave your comment