“Southern Stories” sa Heima, Makati

by Be-Blogger Pilipinas on: Mayo 3rd, 2012

 

Dadaan sana ako sa launch ng “Southern Stories” film photography exhibit nina Charles Buenconsejo at Aleyn Comprendio sa Heima Makati nitong huling Sabado, pero syempre meron na naman akong kina-cram kaya kahapon nang umaga lang ako nakadaan.

 

 

Unang beses pa lang ako nakapasok sa Heima (may branch din sa Cubao Expo). Bahagi itong de-papel na ibon at puno sa window display sa Makati.

 

 

“Oh Hi, Summertime” ang pamagat ng kuleksyon ngayon sa Heima, isang home and lifestyle store. Kasama sa kanilang tinda itong sofa na may telang mukha ngang babagay sa kagubatan.

 

 

Ang galíng ng pagkakagawa ng white-on-white na baging at kakahuyan. Naaalala ko tuloy yung iba kong mga art project sa high school na damagan akong nakipagtuos sa gunting at cutter.

 

 

Ang patse-patseng sofa sa likod ng bintana.

 

 

Isang hilera ng madadamot na squirrel.

 

 

Ang galíng ng pulang detalye nitong upuan (tulad ng naunang sofa). Parang handa nang pitasin.

 

 

Heto na tayo sa exhibit. Ito ang display para sa “Southern Stories” na bahagi ng ilang makukulay na desk.

 

 

Ang paborito kong larawan, “Grace” na kuha ni Charles Buenconsejo. (“Sea, Sun and Sky” ang pamagat ng kanyang bahagi ng exhibit.)

 

 

 

“Window” ni Charles, katabi ng isang kalimbahing (pink) sofa.

 

 

Ang kulay kalawang na “Hair and Sun”.

 

 

Nakasinding mga squirrel (lampara pala!) katabi ng ilang marionette at wrapping paper. Kita niyo ang mga geometric desk drawer sa likod?

 

 

Ang balat ng “Egg” sa dayami.

 

 

Lamparang kuwago, mug na paro-paro: para talagang kuwarto galing sa kuwentong pambata ang loob ng Heima.

 

 

Mga “Sunflower” ni Charles na nakaharap sa araw.

 

 

Bulaklaking mga throw pillow.

 

 

“I can almost see you” ni Aleyn Comprendio.

 

 

Bahaghari ng adhesive tape. Marami akong kaibigang kikay na mababaliw pag nakita nila ito.

 

 

Kasama ng mga larawan sa kuwadro, may ilang postcard ding ipinagbibili.

 

 

Mga custom-made na Lomo camera.

 

 

Mga kuneho naman. Dahil nagmamadali ako, at dahil may prenup shoot sa Heima nung dumaan ako, di na ako nakatagal. Pero parang ang sarap tumambay lang dito, bumutungting ng gamit, umupo sa makukulay na sofa. Sabi nga ng kaibigan ko, siguro magandang magtayo ang Heima ng kapihan! Sang-ayon ako.

 

 

Bumili ako ng apat na postcard na pirmado ni Charles Buenconsejo sa likod. Sa mga di nakadalo sa launch noong April 28, may design talks ngayong May 5 sa Heima Makati sa LRI Design Plaza sa Reposo. Kitakits!

 

El Bosquejo

 
 

leave your comment