Albert Andrada Holiday 2012: studs at Asyanang prinsesa

by Be-Blogger Pilipinas on: Mayo 25th, 2012

 

Noong nauso ulit ang paggamit ng studs sa bag, jacket, at sapatos dalawang taon (yata) na ang nakalipas, kahit ako naaliw sa gamit ng hardware. Pero nang gumaya ang lahat at nilagyan na ng stud ang lahat ng bagay, di nagtagal at nakakasawa na bigla ang paggamit.

 

 

Masasabi kong hindi ganun ang kaso sa Holiday 2012 show ni Albert Andrada, isang Pilipinong designer na naka-base sa Dubai, ngayong Philippine Fashion Week. Kakaiba ang paglalagay niya ng stud sa mga kuwelyo, sa manggas, sa sapatos, at sa iba’t ibang bahagi ng bestida, jacket, at pantalon.

 

 

Hindi basta-basta ang kinalabasan ng mga disenyo.

 

 

Sa kalakhan, naging maganda ang paghahalo ng klase ng tela at stud.

 

 

Masasabing biglang naging sariwa ulit ang paggamit ng studs.

 

 

Kumbaga, nagkaroon ng kahulugan ang pagdagdag.

 

 

 

 

 

 

Tama lang siguro na nagtapos ang kanyang show sa mga balingkinitang bestida na may pinong-pinong detalye na kabaliktaran ng mga applique at stud.

 

 

Para silang mga sinaunang prinsesa sa Asya.

 

 

Mga asawa ng mga pinuno ng tribo, o emperatris.

 

 

Kapag nakitang magkakasama, para kang bumalik sa sinaunang pagtitipon ng mga lider ng kaharian.

(Salamat kay Daryl Angelo,  na nagpaunlak magpahiram ng kanyang mga letrato.)

 

El Bosquejo

 
 

leave your comment