Robotika sa pabrika

by Be-Blogger Pilipinas on: Diciembre 16th, 2011

 

Kamusta? Matapos ng isang buong buwan, nagkita na naman tayo ulit. Tamang-tama at may gusto akong ipakilalang bagong lookbook ng ilan sa aking mga kaibigan.

 

 

Pansinin ang paggamit ng plastik bilang skirt, blouse, at cape, at ang pagkakaulit nito sa mga sapatos na idinisenyo ni Ally Duazo ng Gold Dot.

 

 

Tulad ng pagkakaroon ng model sa loob ng kalawanging pabrika, parang hindi bagay ang paghahalo ng plastic at tela, ng leather at ng mga bagay na mukhang piyesa ng makina.

 

 

Pero mahirap iwasang sabihing ang ganda ng kinalabasan. Lalong umiigting sa mga outfit, at pati na rin sa mga sapatos mismo, ang iba’t ibang uri ng bagay na ginamit.

 

 

Ang pamagat ng lookbook ay “Automaton”, na ibig sabihin ay isang makinang kumikilos tulad ng isang tao, o ang kabaliktaran. Mukhang sa pagkakataong ito, naipalabas na natural lamang sa atin ang mag-astang robot samantalang napapaligiran ng isang siyudad na natutulog at nagigising sa ugong ng bakal.

 

El Bosquejo

 
 

Leave your comment

 Ang Unhate campaign

by Be-Blogger Pilipinas on: Noviembre 21st, 2011

Hu Jintao ng China at Barack Obama ng US

Lumabas na sa mga blog at pahayagan ang pagdiwang at pagkundena sa bagong Unhate campaign na sinusuportahan ng United Colors of Benetton. Hindi nagustuhan ng ilang lider, lalo na ng Vatican (ukol sa larawan ng Santo Papang kahalik si Ahmed el Tayyeb, ang Muslim leader ng Ehipto), ang mga larawan. Mayroon rin namang natuwa, naaliw, at ikinasiya ang mensahe hatid ng kampanya. Ngunit para saan ba talaga ang mga larawan? Ano ang kinakatawan ng Unhate Foundation?

 

Angela Merkel ng Alemanya at Nicolas Sarkozy ng Pransiya

Pakay ng Unhate Foundation na magtulak ng bagong kultura ng payapang pakikisalamuha, upang masupil ang pagkamuhi, na batay na rin sa mga prinsipyo ng Benetton.

 

Lee Myung-bak ng Timog Korea at Kim Jong-il ng Hilagang Korea

Isa pang mahalagang hakbang ang kampanya para sa istratehiyang social responsibility.

 

Mahmoud Abbas ng Palestine at Benjamin Netanyahu ng Israel

Hinahangad nitong makapagdulot ng mabuti para sa pandaigdigang komunidad, lalo na sa pamamagitan ng pakikipagtalastasang maaabot ang lahat ng lahok sa lipunan, sa iba’t ibang larangan.

 

Barack Obama ng US at Hugo Chavez ng Venezuela

Unang hakbang pa lamang ang kontrobersyal na mga larawan ng mga naghahalikang pinuno ng bansa at relihiyon. Magsasagawa ng marami pang inisyatiba at magtatatag ng sariling think tank ang Unhate Foundation. Abangan sa Unhate homepage ang mga update.

 

Imagen de previsualización de YouTube

 

Panoorin itong “Unhate Film” na sumisiyasat sa maselang tagisan ng pag-ibig at pagkamuhi.

 

El Bosquejo

 
 

Leave your comment

 Ang muling pagtingin sa abaka ni Jot Losa

by Be-Blogger Pilipinas on: Noviembre 3rd, 2011

 

Mula sa malayo, aakalain mong gawa lamang sa katad (leather) ang mga pulang bestida ni Jot Losa. Ngunit kapag kinilatis nang malapitan, mapapansing nagsasalit ang katad at ang isa pang uri ng tela: ang abaka. Ang abaka, na galing sa isang klase ng puno ng saging, ay magaspang kung ikukumpara sa katad, kaya kapag ipinagsama ang dalawa, nagbabago ang itsura ng kabuuang tela.

 

De-kamay ang pagtitina ng abaka na nagiging manggas sa mga damit ni Losa, habang ang katad ang bumubuo sa maliliit na rosas. Nagagawa nitong mas mahinhin ang katad kapag ipinagtabi at napapa-sexy rin nito ang bestida depende sa pagkakalagay (mga laso sa may baywang).

 

Sana dumami pa ang mga designer sa Pilipinas na magbibigay ng bagong buhay sa local na tela.

 

El Bosquejo

 
 

Leave your comment

 Behind the scenes ng “Super Natural”

by Be-Blogger Pilipinas on: Octubre 28th, 2011

 

Tamang-tama lang ang release ng “Super Natural” editorial nina Enzo Mondejar at Eric Poliquit para sa OS at Paradigm Shift. Swak na swak para sa Halloween at sa Todos los Santos.

 

 

Matagal na sa akin itong mga behind-the-scenes photos ng shoot na naganap ilang buwan na ang nakaraan. Tawagin na nating “Magandang Gabi Bayan: Halloween Special” ang post na ito, na may eksenang pinamagatang “Mamaw sa matutubig na kagubatan ng UP”.

 

(more…)

 
 

Leave your comment

 Sneak peek sa Fashion Week: Mike Lavarez Spring/Summer 2012

by Be-Blogger Pilipinas on: Octubre 21st, 2011

 

Dalawang tulog na lang at Philippine Fashion Week na ulit! Kaya naman abalang-abala ang mga designer, photographer, model, stylist, at hair and make-up artist nitong mga huling buwan at linggo sa pagbuo ng mga lookbook, show invitation, at campaign photos para sa mga bagong Spring/Summer 2012 collection. Nakadalo ako sa shoot para sa mga damit ni Mike Lavarez nitong linggo lang. (Photographer: Charles Buenconsejo, videographer: Judd Figuerres, stylist: Mike Lavarez, hair: Mark Familara, make-up: Chiara Daez, accessories: Gold Dot and Bosquejo)

 

 

Hindi ko raw puwedeng ipakita kung sinong batikang aktres ang kanyang modelo para sa campaign, kaya pagtuunan na lang natin ng pansin ang kanyang mga damit. Puro neutrals ang collection ni Mike. Itong kulay abo na may puting batik-batik ay bahagi ng kanyang LVT diffusion line. Sumasalamin sa kanyang estetika ang malalambot na tela, ang disenyo ng puno, pati na rin ang tabas ng mga damit.

 

 

Magagaan at maluluwang ang kanyang mga kamiseta, blusa, at kapa. Pero napapansin ba ninyo ang dibuho sa leggings? Kung tingnan niyo nang malapit, parang may natutunaw na kandila, o kaya’y snowflake. Malapit sa estetika ng mga katutubo ng Pilipinas ang disenyo. Nasabi ng isang kaibigan na naaalala niya ang tela ng mga Mangyan, para sa isa naman ay galing sa Cordillera. Para sa aking, ang dibuho sa leggings (pati na rin sa ilan pang mga blusa) ay buhat sa iba’t ibang kultura, ang bawat isa malapit sa kalikasan.

 

 

Kaya ako sobrang na-eexcite para sa show ni Mike Lavarez ay dahil accessories ko (Bosquejo) ang napili niyang ibagay sa kanyang mga damit. Sana makadalo kayo sa kanyang show sa Function Room 4 ng SMX Convention Center sa ganap na 2:30 nang hapon sa ika-30 ng Oktubre, o sa susunod na Linggo.

Nahulaan niyo na ba ang pangalan ng artista?

 

El Bosquejo

 
 

Leave your comment

 Brian Tenorio: Sagipin ang Industriya ng Sapatos

by Be-Blogger Pilipinas on: Octubre 21st, 2011

 

Eto si Brian Tenorio, design at branding specialist sa ADB. Pero tulad ng iba pang hyphenate sa Maynila, hindi lang iyon ang kanyang ginagawa. Bukod sa pagiging chair ng Designers for Development Network, nag-dedesign din siya ng sapatos, ataul, alahas, muebles, at iba pa. May panahong gusto na niyang iwanan ang pag-design ng sapatos, pero mukhang binawi na niya ito. Sa halip, ginagamit pa nga niya ang kanyang kasanayan sa social development upang tumulong sa industriya ng sapatos sa Pilipinas. Malaking hakbang dito ang kanyang pagsali sa Designer Talks ng Ayala Museum, kung saan isinalaysay niya ang kanyang karanasan sa pag-design sa bansa, pakikihalubilo sa ibang designer abroad, at ang kanyang pangarap para sa ating mga sapatero.

“Save Our Shoes” ang pamagat ng kanyang talk.

 

 

Nakakaaliw at ginawang bahagi ni Brian sa kanyang talk ang aktwal na proseso ng pagbuo ng sapatos.

 

 

Inimbitahan niya sa Ayala Museum ang isa sa mga pinagkakatiwalaan niyang sapatero upang makita ng madla ang hirap at busisi sa pagbuo ng sapatos.

 

 

Mula sa hulma para sa katad hanggang sa pagpapako mismo nito sa kahoy, ipinakita ni Brian ang kahalagahan ng matagal na karanasan upang magawa ito nang mabilis at maayos. Sa kasawiang palad, nagsara na ang marami sa mga pabrika ng sapatos sa Marikina. Pero sinisikap ni Brian na buhayin muli ang industriya sa pamamagitan ng pag-engganyo at paghamon sa  mga designer at negosyante.

(more…)

 
 

Leave your comment

 Ang banal at makamundo ayon kay Joyce Makitalo

by Be-Blogger Pilipinas on: Octubre 20th, 2011

 

Naging malaking inspirasyon para kay Joyce Makitalo ang mga kayamanan at mamahaling kagamitan sa Kremlin para sa kanyang pinaka bagong koleksyong pinamagatang “Non-Saint”.

 

 

Isinalin niya ang kanyang pagkamangha para sa karangyaan ng mga taga-simbahan at gumawa siya ng mga kuwintas, singsing, clutch, at kalis para sa karaniwang tao.

 

 

Bahagi ng estetika ni Joyce, na isang pintor at graphic artist, ang paghahalo ng malalaking bato sa tela at sa tansong tinubog sa ginto.

 

(more…)

 
 

Leave your comment

 Trendsetters’ Bazaar sa Rockwell Tent

by Be-Blogger Pilipinas on: Octubre 13th, 2011

 

Napadaan ako nitong huling Sabado sa Rockwell Tent sa Makati para bisitahin ang ilang kaibigang may booth. Pero bago ko sila pag-usapan, pansinin natin ang iba pang tinda sa bazaar, at kung ano-anong mga trend ang ating mahahanap.

Pansin dito sa unang booth ang matagal nang usong turquoise accessories, na ibinabagay sa kulay silver. Madalas na nating nakikita ang kahoy at plastic na alahas, kaya di na sila masyadong bago.

 

 

Halatang malakas pa rin ang kabig ng mga satchel. Sa sapatos, boat shoes.

 

 

Para sa babae naman ang heel-less at ang mala-gusaling takong.

 

 

Ang paborito kong espadrille. Habambuhay na trend?

 

 

Kahit kulay turquoise lang ay umaayon pa rin.

 

(more…)

 
 

Leave your comment

 Balik sa cartoons at comics

by Be-Blogger Pilipinas on: Octubre 5th, 2011

 

Sa dagat ng stripes, plaid, paisley, at kahit na ng polka dots, madaling magsawa sa damit na animo’y walang buhay, sa outfit na, kumbaga sa buhok, ay matamlay at bagsak.

 

 

Naghahanap tayo di lang ng mas matitingkad na kulay, kundi ng kaunting humor at personality. Kaunting katuwaang maiintindihan kahit ng bata – o ng mga child-at-heart. Buti na lang at madaling balingan ang illustration at graphic design para sa ganitong pangangailangan.

 

 

Sino ba namang hindi makakaalala ng kinalakhang cartoons sa TV o mga tauhan sa comics, na lumabas rin sa mga coloring book, lunch box, damit, at kung ano-ano pang gamit. O ng mga karakter mula sa mga alamat at fairy tale. Sa palagay ko, ito ang dahilan kung bakit laging may bahagi nating natutuwa o nagagalak sa tuwing binabalikan natin sila.

 

 

O sinusuot kahit na sa pagtanda, maging sa kamiseta, sa kurbata, at minsan kahit na sa kapote. Kaya naman laging uso ang cartoons at comics. Di lang dahil paborito sila ng kabataan, balon rin sila ng nostalgia.

 

El Bosquejo

 
 

Leave your comment

 Bagong app ng Benetton

by Be-Blogger Pilipinas on: Octubre 4th, 2011

 

Kaka-download ko pa lang ng app ng Benetton para sa iPhone. Eto siya sa sulok ng page 2 ng aking apps. Nasa display page ang latest collection, para sa Autumn Winter 2011.

 

 

Masasabi kong kumpleto ang laman ng app; wala ka nang hahanapin pa o kailangan pang i-Google para sa pinaka huling media galing sa brand: mula sa collection, campaigns, at videos hanggang sa pinaka sariwang balita at mapa ng mga shop ng Benetton.

 

 

Makikita isa-isa ang mga damit mula sa mga collection.

 

(more…)

 
 

Leave your comment