Karagdagang tsismis ukol sa iPhone 5

by Be-Blogger Pilipinas on: Junio 28th, 2012
Imagen de previsualización de YouTube

 

Mag-iisang taon nang hinuhulaan ng mga Apple fan kung anong bagong teknolohiya ang isasama sa pinakahihintay na iPhone 5. Noong isang taon, parang lumabas na haka-haka na magkakaroon ng holographic projection ang smartphone.

 

Imagen de previsualización de YouTube

 

Ngayon naman, ang pausong hula ay magiging transparent na raw ang iPhone 5. Ngayon pa lang marami na akong naiisip na bagong app para sa bagong hardware. Isa na doon ang makatotohanang magnifying glass.

 

Imagen de previsualización de YouTube

 

Itong huli naman ang pinaka makulit at kalog sa lahat: ang iPhone 5 na nayuyupi tuwing umiinit, at kusang bumabalik sa dating porma. Alin, sa tingin niyo, ang mas magagamit ninyo?

 

El Bosquejo

 
 

Leave your comment

 Maghapon sa Mind Museum

by Be-Blogger Pilipinas on: Mayo 15th, 2012

 

Ilang beses ko nang nadaraanan ang Mind Museum sa Bonifacio Global City sa Taguig. Nitong huling Sabado, minabuti kong bumili ng all-day pass (mabibili online) para siyasatin ang mga eksibit.

 

 

Binati ako ng kalawanging eskultura ni Lor Calma bago pumasok ng museo. Ano sa tingin niyo ang ipinahihiwatig nito?

 

 

Pagpasok naman sa loob, binati ako ng robot na si Aedi (ibinaligtad na “idea”). Merong motion detector si Aedi. Kapag dumaan ka sa harap niya, bibigyan ka niya ng maikling intoduksyon para sa Mind Museum. (Susubukan ko sanang makipagkamay, pero nahiya ako.)

Nahihiwalay sa limang kuwento ang mga eksbiti: Ang Kuwento ng Atomo, Ang Kuwento ng Buhay, Ang Kuwento ng Uniberso, Ang Kuwento ng Mundo, at Ang Kuwento ng Teknolohiya. Bahagi ng bungad ang Sampung Pinaka Magandang Eksperimento.

 

 

Inuna ko ang Kuwento ng Buhay. Itong apat na kuwadro ay bahagi ng eksibit tungkol sa mga kalamidad sa Pilipinas. (May hanging bumubuga mula sa itim na mga bintana sa ibaba.)

 

 

Mababasa ang kuwento ng buntanding, at kung gaano kahalaga pangalagaan ang ating likas na yaman, lalo na ang mga hayop at halaman na nasa bingit ng pagkaubos at permanenteng pagkawala.

 

 

Ito ang bunganga ng isang higanteng kabibe. Ikinukuwento kung paano nagiging tahanan ito ng mga halamang dagat, ng korales, ng mga uod, espongha, at isda. Ipinapaalala ang kahalagahan ng pag-alaga sa kabibe na may malaking papel sa buhay sa ilalim ng dagat.

 

(more…)

 
 

Leave your comment

 Gumuhit ng kung ano-ano

by Be-Blogger Pilipinas on: Mayo 11th, 2012

 

Ok ba ang aking salin sa pangalan ng app na Draw Something? Oo, di ako matiis at nakiuso na rin ako sa mga kaibigan. Kaninang umaga ko lang dinownload ang app at mukhang pati ako ay naaadik.

 

 

Ginawa ko itong mga unang guhit habang naglalakad papuntang opisina, kaya sana ipagpaumanhin niyo kung medyo malabo. (Akala ko nga di mahuhulaan ang “Rugrats”.)

 

 

Kayo ba mahuhulaan niyo yung “tacos” at “seacrest”? Sabi ng kaibigan ko dapat ginuhit ko na lang si Ryan Seacrest, pero parang mas mahirap pa ata yun.

 

 

Ang galing ng nakaisip ng Draw Something. Para lang Pictionary pero pang internet. Kahit di mo kilala ang mga kalaro, masaya siyang libangan. Sa katunayan, pwede ka pang magkaroon ng bagong kaibigan.

 

(more…)

 
 

Leave your comment

 Bago sa Instagram

by Be-Blogger Pilipinas on: Abril 12th, 2012

(Larawan ng mga gusali mula sa aking opisina sa Makati, bago mag-alas kuwatro.)

 

Sariwang-sariwa pa ang balita ng pabgili ng Facebook sa Instagram. Ngayong linggo lang, nagbayad ang social networking site ng $1bn para sa pagmamay-ari ng kumpanya sa likod ng popular na app na bago lang din inilunsad para sa Android users. Mabilis ang naging pagsikat ng Instagram. Nagsimula lang ito noong Oktubre 2010 at ngayon, wala pang dalawang taon ang nakalilipas, higit 30m na ang mga gumagamit.

 

(Larawan ng paradahan at mga gusali sa Bonifacio Global City, mag-aalas singko nang hapon.)

 

Hilig talaga ng mga founder ng Instagram ang pagkuha ng mga larawan, at ito ang pangunahing materyal ng Instagram (di tulad ng Twitter na 140-character text ang pangunahin at ikalawa lamang ang naka-attach na mga imahen). Tulad ng Twitter, naki-join kagad ang mga celebrity at pati na ang mga kumpanya (fashion, arts, news, atbp). Naging paraan ito para makibahagi ang karaniwang mamamayan di lang sa malalaking kaganapan sa daigdig, kundi pati na rin sa buhay-buhay ng kanilang mga kaibigan at kapamilya, at ng sikat nilang mga idol. Tulad din ng Twitter, naging malaking tulong ang paggamit ng hashtag (#) para madaling madiskubre ng iba pang users ang mga larawan sa ilalim ng kinahihiligang paksa.

 

(Mula sa canteen ng aming opisina.)

 

Para sa akin, naging paraan ang Instagram para mahuli sa larawan ang mga lugar at bagay-bagay na pumupukaw sa aking paningin. (Galing ang karamihan sa mga larawan na ito sa aking @lbosquejo account.)

 

(Construction ng isang condo sa Pasong Tamo.)

 

Halos di ko na iniisip. Kapag may nagustuhan ako, kinukunan ko na kaagad gamit ang aking iPhone. Pagkatapos ko na lang mauusisa ang dahilan kung bakit ko nagustuhan ang aking natalisod/nasaksihan.

 

(Mga akasya at iba pang puno sa Paseo de Roxas.)

 

Personal sa akin ang Instagram. May ibig sabihin ang ilan sa aking kinukunan.

 

(Mga bintana ng isa sa mga gusali ng Cityland.)

 

Naniniwala akong laging may mapupulot na kahulugan o inspirasyon sa ating paligid; nasa sa atin lang ang pagiging bukas sa pagtanggap.

 

(more…)

 
 

1 comentario

 Oasis sa Hong Kong

by Be-Blogger Pilipinas on: Marzo 9th, 2012

 

Isa ito sa mga dinaraanan ko papunta sa trabaho nung nasa Hong Kong ako nang isang linggo.

 

 

 

 

Itong tinatawag na “central oasis” ay daluyan ng mga tao, karamihan papunta at pauwi mula sa trabaho.

 

 

Pintado ang mga dingding ng makukulay na larawang pambata.

 

 

May mga imahen ng mga puno, mga hayop, at mga taong tila matiwasay ang pamumuhay.

 

 

Kahit mga poste mayroong disenyo.

 

 

Mayroon pang mga buhay na halaman.

 

 

 

 

Parang ang sarap tumigil muna sa karaniwang mabilis na paglalakad para umupo sandali.

 

 

Pero ang higit na mahalagang pakay ng Central Oasis ay ang pagpapaalam sa mga mamamayan ng Hong Kong (at pati na rin sa mga bisita tulad ko) tungkol sa mga hakbang ng gobyerno sa pananatiling buhay at kapaki-pakinabang ang kalikasan sa kapaligiran. Isa na rito ang pagtataguyod ng sustainable na sistema para sa sariwang tubig.

 

(more…)

 
 

Leave your comment

 Benetton sa Pinterest

by Be-Blogger Pilipinas on: Marzo 2nd, 2012

 

Sa wakas, nagbukas na rin ako ng sarili kong Pinterest account. Dati rati, pinapadala ko lang sa sarili kong email ang mga gusto kong itagong mga larawan, o nirereblog sa aking Tumblr account. Bago lang akong nakumbinsing mas madaling gamitin ang Pinterest para sa pagkalap ng favorite pics. Sa ngayon, halos wala pang laman ang aking account.

Syempre, isa sa mga una kong finollow ang Benetton sa Pinterest. Sa kanilang page, kita sa isang sulyap ang lahat ng bago nilang campaign, pati na rin ang ilan sa mga lumabas noon pang 1980s.

 

 

Halimbawa, makikita ang bagong Spring/Summer 2012 campaign ng Benetton.

 

 

Itong dalawa ang paborito kong larawan.

 

 

Naaliw din ako dahil unang beses ko pa lang nakita ang bagong campaign para sa kanilang kid collection.

 

 

Trench at pea coat para sa inyong chikiting?

 

(more…)

 
 

Leave your comment

 Nakahahawa: Biophilia ni Björk

by Be-Blogger Pilipinas on: Febrero 10th, 2012

 

Sa pagkakaalam ko, pinakaunang music album app ang “Biophilia” ni Björk, ang sikat na musikera galing Iceland. Noong isang taon pa ito lumabas, at kagad kong dinownload ang app. Sabi ko sa sarili, sa susunod ko na papakinggan. Sino ba namang di mamamangha sa kakaibang konsepto, at siyempre, sa kagila-gilalas na tugtugin ni Björk?

 

 

Kanina lang ako nagkaroon ng pagkakataong tingnan at paglaruan ang app. Ito ang una kong nakita: isang galaxy na ang bawat araw o planeta ay kumakatawan sa isa sa mga kanta ng “Biophilia”.

 

 

Ito ang itsura ng intro sa kantang “Moon”.

 

Imagen de previsualización de YouTube

 

At ito naman ang official music video ng awitin. Alam kong wala sa panlasa ng lahat ang uri ng sining ni Björk, pero para sa akin, gusto ko ang kanyang musika dahil di ko alam madalas kung kumakanta siya ng oyayi o nanghahamon makidigma; magkasabay na malumanay at mabagsik ang kanyang mga kanta.

Ano naman ang pinagkaiba ng video sa app? Interactive ang app: bukod sa orihinal na kanta, marami ka pang maaaring gawin, tulad ng pagbuo at pag-save ng sarili mong tugtugin. Basahin ang sumusunod na pinahabang intro para sa “Moon”.

 

(more…)

 
 

Comentarios desactivados

 Makati sa mata ng Instagram

by Be-Blogger Pilipinas on: Febrero 2nd, 2012

 

Makati ang central business district ng Metro Manila, ang sentro ng kalakal sa buong Pilipinas. Halos siyam na taon na akong nakatira sa Makati, at di ko siya ipagpapalit sa anumang siyudad sa Maynila. Eto ang ilang larawang kuha ko gamit ang Apple iOS app na Instagram.

 

 

2010 pa inilabas ang Instagram. Dati akala ko tulad lang siya ng TwitPic, liban sa karagdagang photo filters, kaya di ko pinansin.

 

 

Yun pala, para din siyang Facebook, dahil puwede ka magdagdag ng contacts at pwede kang mag-iwan ng likes at comments sa mga larawan. Kagad mo ring maibabahagi ang iyong mga kuha sa Facebook, Twitter, Foursquare (na pinagsawaan ko na), Tumblr, Flickr, atbp.

 

 

Gusto ko ang Instagram dahil parang ganito rin ako sumulat ng tula: nagsisimula sa sari-saring imahen na sa simula ay akala mo’y walang ugnayan, hanggang sa ipagtabi mo sila at makita mo ang kabuuang lalim at lawak ng isang damdaming matagal mo na palang ikinikimkim.

 

El Bosquejo

 
 

Leave your comment

 iPhone app: Paano magtali ng kurbata

by Be-Blogger Pilipinas on: Enero 6th, 2012

 

Aaminin ko sa inyong natuto lang ako magtali ng kurbata nung nagsisimula na akong magtrabaho. Bago nito, takbuhan ko ang aking tatay, na gagawa nito para sa akin – luluwagan ko lang ang ready-made niya na necktie kapag nakabihis na ako.

Nung unang mga pagkakataong di ko maalala ang kanyang tinuro, naghanap ako ng instructional guide sa YouTube. Buti na lang ngayon at may matatakbuhan ng app sa iPhone.

 

 

Para sa may oras magplano o gumising nang mas maaga, makakapili pa kayo ng style ng pagtaling naaayon sa laki at hugis ng inyong kuwelyo: mula sa nakagawiang four-in-hand at Windsor hanggang sa kakaibang Atlantic at Diagonal.

 

 

Alalahanin siyempre na dapat naaayon din ito sa laki at kapal ng inyong kurbata, na ibinabagay rin dapat sa laki ng inyong katawan. (Halimbawa, kung gusto niyong mas magmukhang payat, gumamit ng mas makitid na kurbata; higit na malapad naman para sa mga gusto magmukhang mas malaki ang katawan.)

 

(more…)

 
 

Leave your comment

 Punchdrunk Panda para sa iyong kamera

by Be-Blogger Pilipinas on: Octubre 31st, 2011

 

Para sa mga baguhang photographer na gumagamit ng SLR, sigurado akong kung ano-ano ang mga tanawin, lugar, hayop, at pagtitipon ng mga tao ang naiisip nilang makunan gamit ang kanilang bagong “laruang” gadget. Malimit, gusto nilang matagpuan ang di karaniwang nakikita, o ang kakaiba.

 

 

Ano pa ba ang makakaudyok ng imahinasyon tulad ng mga bagong disenyo ng Punchdrunk Panda para sa mga SLR camera strap: mayroong mga cartoon ng mga alien, mayroong mga eksensng may lumang simbahan at kalesa, at mayroong disenyong humuhugot ng inspirasyon mula sa mga tela ng mga katutubo ng Pilipinas.

 

 

Itong una, “Imaginatiooooon”, ay gawa ni Rob Cham, isang 21-taong-gulang na illustrator at graphic designer.

 

(more…)

 
 

Leave your comment