Fête de la Musique sa B-Side, Makati

by Be-Blogger Pilipinas on: Junio 28th, 2012

 

Mula sa Bonifacio Global City noong isang taon, lumipat ang Fête de la Musique sa Makati: mula sa mga bar at hotel sa Makati Avenue, hanggang sa The Collective sa kalye ng Malugay.

 

 

Una akong dumaan sa B-Side (ang Rock Stage ng Fete), kung saan tumugtog ang beinte singkong banda, kabilang na ang Slapshock, Radioactive Sago Project, Ciudad, Outerhope, at Imago. May magkasabay na tumugtog sa main stage ng The Collective at sa loob mismo ng B-Side.

 

 

Medyo nahuli na ang aking pagdating, pero naabutan ko ang Ciudad bago ako lumipat sa Makati Ave.

 

(more…)

 
 

Leave your comment

 Naliligaw sa Toy Convention

by Be-Blogger Pilipinas on: Junio 21st, 2012

 

Unang beses kong napadpad sa Philippine Toys, Hobbies, and Collectibles Convention (mas kilala bilang Toycon) nitong Sabado.

 

 

Syempre una kong napansin pagpasok ang mga cosplayers (costume players) na nakabihis ayon sa paborito nilang mga personahe galing sa comics, video games, atbp.

 

 

Hindi ko nakilala lahat ng mga laruan – siguradong tanda ng aking edad.

 

 

Pero maraming mga bagong laruang sariwa pa mula sa mga pinaka huling pelikula base sa comics.

 

 

Naaalala niyo pa ba ang sinauna at orihinal na kuwento ng X-men?

 

 

Anong mga grupo ang kinabilangan ni Gambit?

 

 

Buti naman at isinama si Bruce Lee (taong tunay na magaling sa martial arts) sa listahan ng mga superhero.

 

 

May mas bagay pa ba kay Christopher Reeve sa papel na Superman?

(more…)

 
 

Leave your comment

 Maligayang kaarawan, United Blogs of Benetton!

by Be-Blogger Pilipinas on: Mayo 29th, 2012

 

Sa bawat isa sa ating labing-anim na blogger, sa mga mambabasa, sa administrator ng United Blogs of Benetton, at sa lahat ng kapamilya sa United Colors of Benetton: maligayang kaarawan!

 

 

(Di ko sinasadyang mapapikit habang umiihip ang hangin.) Naaalala ko pa noong una akong nag-blog para sa Benetton. Para iyon sa IT’S MY TIME Global Casting campaign noon pang 2010. Iilang blogger pa lang kami noon, at ngayon, makalipas ng dalawang taon ay labing-anim na kaming lahat. Ako na lang at ang Montaigne Street at Botica Pop ang natira mula sa IT’S MY TIME, naging blogger na rin si Magali (ang model na nanalo mula sa Pransya), at ang dami pang nadagdag mula sa Chile, España, Pransya, Italya, Korea, Mehiko, Olandia, Perú, Portugal, Turkey, Rusya, Colombia, Bulgaria, at Tsina. Sana lalong lumaki pa ang ating pamilya!

 

El Bosquejo

 

 
 

Leave your comment

 Ang tagumpay ni Jessica Sanchez

by Be-Blogger Pilipinas on: Mayo 25th, 2012
Imagen de previsualización de YouTube

 

Natapos na rin sa wakas ang ika-11 na season ng American Idol. Malamang may hangover pa ang mga Pinoy na sa simula’t sapol ay todo ang suporta sa Filipino-Mexican-American na si Jessica Sanchez. Matagal na akong di nanonood ng AI at napanood ko lamang ang palabas kahapon dahil tiyempong yun ang nasa TV sa gym. Aaminin kong kinilabutan (oo, natawa rin) ako sa pag-awit nila Jessica at Jennifer Holiday ng “And I Am Telling You I’m Not Going”. Iba ang dating. Oo, di kasing kinis at pulido ng bersyon ni Whitney Houston, pero andun lahat ng emosyon (malamang ang dahilan bakit nanalo ng Tony at Grammy si Holliday).

 

Imagen de previsualización de YouTube

 

Eto naman ang solo ni Jessica. Mapag-iisip ka kung saan nahugot ng 16-años na mang-aawit ang emosyong galit-palaban sa kanyang rendition na di basta lang nakasalalay sa galing ng pagkanta, kundi lalo na sa pag-unawa.

 

Imagen de previsualización de YouTube

 

Ang tagumpay ni Jessica, na naaayon sa karaniwang kuwento sa mga reality show, ay ang layo ng kanyang narating sa pagkamit ng kanyang mga pinapangarap. Pakinggan mo lamang itong bersyon niya ng “Everybody Has a Dream” at higit na lilinaw ang kahulugan ng American Idol.

 

Imagen de previsualización de YouTube

 

Kung wala siyang ginawa, mananatiling pantasya lamang ang kanyang pangarap sa buhay, bahagi lamang ng kanyang “Sweet Dreams”.

 

Imagen de previsualización de YouTube

 

Ang tagumpay ni Jessica ay naipakita niya sa daigdig ang kanyang galing, kahit di siya nanalo. Dahil doon, walang makakalimot sa kanya. Ngayon pa lang, inaawitan na siya ng kanyang fans ng “I Will Always Love You”.

(Lahat ng video ay hiniram mula sa YouTube channel ng American Idol.)

 

El Bosquejo

 
 

Leave your comment

 Maghapon sa Mind Museum

by Be-Blogger Pilipinas on: Mayo 15th, 2012

 

Ilang beses ko nang nadaraanan ang Mind Museum sa Bonifacio Global City sa Taguig. Nitong huling Sabado, minabuti kong bumili ng all-day pass (mabibili online) para siyasatin ang mga eksibit.

 

 

Binati ako ng kalawanging eskultura ni Lor Calma bago pumasok ng museo. Ano sa tingin niyo ang ipinahihiwatig nito?

 

 

Pagpasok naman sa loob, binati ako ng robot na si Aedi (ibinaligtad na “idea”). Merong motion detector si Aedi. Kapag dumaan ka sa harap niya, bibigyan ka niya ng maikling intoduksyon para sa Mind Museum. (Susubukan ko sanang makipagkamay, pero nahiya ako.)

Nahihiwalay sa limang kuwento ang mga eksbiti: Ang Kuwento ng Atomo, Ang Kuwento ng Buhay, Ang Kuwento ng Uniberso, Ang Kuwento ng Mundo, at Ang Kuwento ng Teknolohiya. Bahagi ng bungad ang Sampung Pinaka Magandang Eksperimento.

 

 

Inuna ko ang Kuwento ng Buhay. Itong apat na kuwadro ay bahagi ng eksibit tungkol sa mga kalamidad sa Pilipinas. (May hanging bumubuga mula sa itim na mga bintana sa ibaba.)

 

 

Mababasa ang kuwento ng buntanding, at kung gaano kahalaga pangalagaan ang ating likas na yaman, lalo na ang mga hayop at halaman na nasa bingit ng pagkaubos at permanenteng pagkawala.

 

 

Ito ang bunganga ng isang higanteng kabibe. Ikinukuwento kung paano nagiging tahanan ito ng mga halamang dagat, ng korales, ng mga uod, espongha, at isda. Ipinapaalala ang kahalagahan ng pag-alaga sa kabibe na may malaking papel sa buhay sa ilalim ng dagat.

 

(more…)

 
 

Leave your comment

 Let’s Move: bagong pabango mula sa Benetton

by Be-Blogger Pilipinas on: Mayo 4th, 2012

 

Kahit anong gawin ko, di ko yata mapipilit ang sarili ko maging sporty. Pero at least, di mahirap mag-amoy presko sa kabila ng init at sari-saring gawain.

 

Imagen de previsualización de YouTube

 

“Let’s Move” ang pangalan ng bagong pabango ng Benetton Man. Panoorin itong backstage video para sa shoot ng ad. Magandang pampagising ang tugtog.

 

 

Nakaka-engganyo ang amoy, na may top notes na bergamot, mandarin, at paminta. Pagkatapos ng sariwang pambungad, lalabas ang mas seryosong cedarwood na didikit sa iyong katawan maghapon na may aali-aligid na amber at vanilla.

 

Sabihin na nating para kang nagbisikleta o tumakbo sandali sa kakahuyan. Di ka man nagbanat ng buto, tulad ko, para kang biglang nabuhayan.

 

El Bosquejo

 
 

Leave your comment

 “Southern Stories” sa Heima, Makati

by Be-Blogger Pilipinas on: Mayo 3rd, 2012

 

Dadaan sana ako sa launch ng “Southern Stories” film photography exhibit nina Charles Buenconsejo at Aleyn Comprendio sa Heima Makati nitong huling Sabado, pero syempre meron na naman akong kina-cram kaya kahapon nang umaga lang ako nakadaan.

 

 

Unang beses pa lang ako nakapasok sa Heima (may branch din sa Cubao Expo). Bahagi itong de-papel na ibon at puno sa window display sa Makati.

 

 

“Oh Hi, Summertime” ang pamagat ng kuleksyon ngayon sa Heima, isang home and lifestyle store. Kasama sa kanilang tinda itong sofa na may telang mukha ngang babagay sa kagubatan.

 

 

Ang galíng ng pagkakagawa ng white-on-white na baging at kakahuyan. Naaalala ko tuloy yung iba kong mga art project sa high school na damagan akong nakipagtuos sa gunting at cutter.

 

 

Ang patse-patseng sofa sa likod ng bintana.

 

 

Isang hilera ng madadamot na squirrel.

 

 

Ang galíng ng pulang detalye nitong upuan (tulad ng naunang sofa). Parang handa nang pitasin.

 

 

Heto na tayo sa exhibit. Ito ang display para sa “Southern Stories” na bahagi ng ilang makukulay na desk.

 

 

Ang paborito kong larawan, “Grace” na kuha ni Charles Buenconsejo. (“Sea, Sun and Sky” ang pamagat ng kanyang bahagi ng exhibit.)

(more…)

 
 

Leave your comment

 Bago sa Instagram

by Be-Blogger Pilipinas on: Abril 12th, 2012

(Larawan ng mga gusali mula sa aking opisina sa Makati, bago mag-alas kuwatro.)

 

Sariwang-sariwa pa ang balita ng pabgili ng Facebook sa Instagram. Ngayong linggo lang, nagbayad ang social networking site ng $1bn para sa pagmamay-ari ng kumpanya sa likod ng popular na app na bago lang din inilunsad para sa Android users. Mabilis ang naging pagsikat ng Instagram. Nagsimula lang ito noong Oktubre 2010 at ngayon, wala pang dalawang taon ang nakalilipas, higit 30m na ang mga gumagamit.

 

(Larawan ng paradahan at mga gusali sa Bonifacio Global City, mag-aalas singko nang hapon.)

 

Hilig talaga ng mga founder ng Instagram ang pagkuha ng mga larawan, at ito ang pangunahing materyal ng Instagram (di tulad ng Twitter na 140-character text ang pangunahin at ikalawa lamang ang naka-attach na mga imahen). Tulad ng Twitter, naki-join kagad ang mga celebrity at pati na ang mga kumpanya (fashion, arts, news, atbp). Naging paraan ito para makibahagi ang karaniwang mamamayan di lang sa malalaking kaganapan sa daigdig, kundi pati na rin sa buhay-buhay ng kanilang mga kaibigan at kapamilya, at ng sikat nilang mga idol. Tulad din ng Twitter, naging malaking tulong ang paggamit ng hashtag (#) para madaling madiskubre ng iba pang users ang mga larawan sa ilalim ng kinahihiligang paksa.

 

(Mula sa canteen ng aming opisina.)

 

Para sa akin, naging paraan ang Instagram para mahuli sa larawan ang mga lugar at bagay-bagay na pumupukaw sa aking paningin. (Galing ang karamihan sa mga larawan na ito sa aking @lbosquejo account.)

 

(Construction ng isang condo sa Pasong Tamo.)

 

Halos di ko na iniisip. Kapag may nagustuhan ako, kinukunan ko na kaagad gamit ang aking iPhone. Pagkatapos ko na lang mauusisa ang dahilan kung bakit ko nagustuhan ang aking natalisod/nasaksihan.

 

(Mga akasya at iba pang puno sa Paseo de Roxas.)

 

Personal sa akin ang Instagram. May ibig sabihin ang ilan sa aking kinukunan.

 

(Mga bintana ng isa sa mga gusali ng Cityland.)

 

Naniniwala akong laging may mapupulot na kahulugan o inspirasyon sa ating paligid; nasa sa atin lang ang pagiging bukas sa pagtanggap.

 

(more…)

 
 

1 comentario

 Pana-panahon ng maong

by Be-Blogger Pilipinas on: Marzo 16th, 2012

 

Tila di lamang maong na pantalong ang walang-sawang sinusuot ng kabataan. Sa dami ng iba pang uri ng damit na gawa rin sa maong, nagiging uso at madaling bumabalik sa uso pati ang maong na jacket, vest, at shirt.

(Si Danny Kelly mula sa Manchester)

 

 

Kung sa pantalon, maiintindihang praktikal ang maong. Pero ano ba ang meron sa shirt, jacket, at vest na gawa sa parehong tela?

(Si Mochine Aoki mula sa Casablanca)

 

 

Di naman sing astig ng leather jacket; di mabigat ang dating.

(Si Peter Adrian mula sa Los Angeles)

 

 

Kahit sa panahon ng taglamig, ginagamit pa rin ang denim (kahit na di siya kasing kapal ng wool, flannel, at fleece).

(Si Erick Salach mula sa Poland)

 

 

Siguro dahil, naging uri rin ng pagrerebelde and paggamit ng maong: parang dinala sa lungsod ang Wild West o ang Marlboro Country.

(Si Mike Quyen mula sa Bucharest)

 

(more…)

 
 

Leave your comment

 Kabataan ngayon

by Be-Blogger Pilipinas on: Marzo 8th, 2012

 

Hindi na bago ang makatagpo ng mga painting sa mall. Halimbawa, lagi na lang mayroong ibinibenta sa Power Plant Mall sa Rockwell. Nasanay na rin ako sa karaniwang segunda-klaseng kalidad ng mga likha. Kaya laking gulat ko noong isang linggo nang makita ko ang ilan sa mga larawan sa Glorietta sa Makati.

 

 

Itong una ay pinamagatang “Top Performer”, likha ni Emmanuel Servino. Ngangayunin (current) ang sitwasyon sa larawan: mga batang ipinagmamalaki ang iba’t iba nilang talento sa sining, sa pag-arte, at sa pag-perform ng kung ano pang maisip ng kanilang magulang. Tunay na circus ang kinalalabasan ng mga talent show, kung saan hindi na pinapabayaang maging musmos ang kabataan. Hindi na sila hinahayaang yumabong at umunlad ayon sa sarili nilang oras.

 

 

Isa pa sa mga larawang tinitigan ko nang mabuti ang “Overexposure” ni Dexter Sy. Tungkol din ito sa kabataan. Sa unang tingin, kita ang apat na bata, malamang magkakapatid. May riple sa ulunan at may mga matatanda (mas maliit na pigura) sa kanilang harapan. May halo sa ulunan ang bunso sa kanan. Ano kaya ang ibig sabihin ng larawan?

 

 

Paglapit mo lamang makikita na may nakaukit na mga puso sa kanilang mga mukha. May pekas-pekas din sila sa katawan na mukhang karamdaman ng balat (internal organs?). Uhugin ang tatlo sa kanila. Nakatitig kaya sila sa telebisyon? Media violence kaya ang pahiwatig ng baril sa kanilang ulunan? Sa isang banda, maaaring tingnang di wasto para sa kanilang edad ang kanilang pinapanood; sa kabila naman, maaaring sila naman ang pinapanood ng lipunan (ang maliliit na pigura ng matatanda) na labis ang pangungusisa.

Sa panahon ngayon na kahit maliit na bata ay mayroon nang iPad o iPhone, at may account sa Facebook at Twitter, mainam pagnilayan kung ano ang epekto sa kabataan ng labis-labis na pagka-materyalistiko ng lipunan. Paano nito nababago ang kanilang pagpapahalaga sa buhay? Anong epekto nito sa kanilang edukasyon, sa kanilang pagkatao? Mahalaga ang mga tanong lalo na’t madalas hindi magulang ang nagpapalaki sa kanilang mga anak, kundi ang kanilang mga yaya at ang media sa kanilang harapan.

(Hatid ng Paseo Gallery ang exhibit na hanggang ika-16 ng Marso sa Glorietta, Makati.)

El Bosquejo

 
 

Leave your comment