Brian Tenorio: Sagipin ang Industriya ng Sapatos

by Be-Blogger Pilipinas on: Octubre 21st, 2011

 

Eto si Brian Tenorio, design at branding specialist sa ADB. Pero tulad ng iba pang hyphenate sa Maynila, hindi lang iyon ang kanyang ginagawa. Bukod sa pagiging chair ng Designers for Development Network, nag-dedesign din siya ng sapatos, ataul, alahas, muebles, at iba pa. May panahong gusto na niyang iwanan ang pag-design ng sapatos, pero mukhang binawi na niya ito. Sa halip, ginagamit pa nga niya ang kanyang kasanayan sa social development upang tumulong sa industriya ng sapatos sa Pilipinas. Malaking hakbang dito ang kanyang pagsali sa Designer Talks ng Ayala Museum, kung saan isinalaysay niya ang kanyang karanasan sa pag-design sa bansa, pakikihalubilo sa ibang designer abroad, at ang kanyang pangarap para sa ating mga sapatero.

“Save Our Shoes” ang pamagat ng kanyang talk.

 

 

Nakakaaliw at ginawang bahagi ni Brian sa kanyang talk ang aktwal na proseso ng pagbuo ng sapatos.

 

 

Inimbitahan niya sa Ayala Museum ang isa sa mga pinagkakatiwalaan niyang sapatero upang makita ng madla ang hirap at busisi sa pagbuo ng sapatos.

 

 

Mula sa hulma para sa katad hanggang sa pagpapako mismo nito sa kahoy, ipinakita ni Brian ang kahalagahan ng matagal na karanasan upang magawa ito nang mabilis at maayos. Sa kasawiang palad, nagsara na ang marami sa mga pabrika ng sapatos sa Marikina. Pero sinisikap ni Brian na buhayin muli ang industriya sa pamamagitan ng pag-engganyo at paghamon sa  mga designer at negosyante.

(more…)

 
 

Leave your comment

 Trendsetters’ Bazaar sa Rockwell Tent

by Be-Blogger Pilipinas on: Octubre 13th, 2011

 

Napadaan ako nitong huling Sabado sa Rockwell Tent sa Makati para bisitahin ang ilang kaibigang may booth. Pero bago ko sila pag-usapan, pansinin natin ang iba pang tinda sa bazaar, at kung ano-anong mga trend ang ating mahahanap.

Pansin dito sa unang booth ang matagal nang usong turquoise accessories, na ibinabagay sa kulay silver. Madalas na nating nakikita ang kahoy at plastic na alahas, kaya di na sila masyadong bago.

 

 

Halatang malakas pa rin ang kabig ng mga satchel. Sa sapatos, boat shoes.

 

 

Para sa babae naman ang heel-less at ang mala-gusaling takong.

 

 

Ang paborito kong espadrille. Habambuhay na trend?

 

 

Kahit kulay turquoise lang ay umaayon pa rin.

 

(more…)

 
 

Leave your comment

 Mayday: Saklolo kay Mei

by Be-Blogger Pilipinas on: Octubre 11th, 2011

 

May sakit si Mei Bastes, ang nagpasimuno sa Meiday, isang event kung saan unang tumugtog ang kanyang kaibigang mga banda at sa di kalaunan, lumaki bilang isa sa mga pinaka kilalang music gig sa Metro Manila. Kaya naman, nang nagkasakit si Mei at nangailangan ng tulong, di nag-atubiling sumugod di lamang ang unang mga bandang tumugtog para sa kanya, kundi pati na rin ang mga batikang musikero, artist, at ang madlang art/music lovers.

 

 

Umabot sa 16 na banda ang tumugtog nitong huling Biyernes sa B-Side sa The Collective, kasama ng ilan pang DJ. Itong dalawang poster ay gawa ni Rob Cham. Maliit lamang kung tutuusin ang singil na P250 (entrance na may kasamang beer) o P400 (entrance at t-shirt na gawa nina Rob Cham, Everywhere We Shoot, at Retardo) dahil karamihan ng Meiday event ay walang bayad; beer lang ang kailangang bilhin.

 

 

Ito ang napili kong kamiseta, gawa ng Everywhere We Shoot.

 

 

Andun din ang KST na nag-spray paint ng graffiti para kay Mei.

 

(more…)

 
 

Leave your comment

 Balik sa cartoons at comics

by Be-Blogger Pilipinas on: Octubre 5th, 2011

 

Sa dagat ng stripes, plaid, paisley, at kahit na ng polka dots, madaling magsawa sa damit na animo’y walang buhay, sa outfit na, kumbaga sa buhok, ay matamlay at bagsak.

 

 

Naghahanap tayo di lang ng mas matitingkad na kulay, kundi ng kaunting humor at personality. Kaunting katuwaang maiintindihan kahit ng bata – o ng mga child-at-heart. Buti na lang at madaling balingan ang illustration at graphic design para sa ganitong pangangailangan.

 

 

Sino ba namang hindi makakaalala ng kinalakhang cartoons sa TV o mga tauhan sa comics, na lumabas rin sa mga coloring book, lunch box, damit, at kung ano-ano pang gamit. O ng mga karakter mula sa mga alamat at fairy tale. Sa palagay ko, ito ang dahilan kung bakit laging may bahagi nating natutuwa o nagagalak sa tuwing binabalikan natin sila.

 

 

O sinusuot kahit na sa pagtanda, maging sa kamiseta, sa kurbata, at minsan kahit na sa kapote. Kaya naman laging uso ang cartoons at comics. Di lang dahil paborito sila ng kabataan, balon rin sila ng nostalgia.

 

El Bosquejo

 
 

Leave your comment

 Alien Natives sa Vinyl on Vinyl

by Be-Blogger Pilipinas on: Septiembre 30th, 2011

 

Ito ang makikita sa loob ng salamin ng Vinyl on Vinyl sa The Collective: isang nakangangang mamamatay-panda.

 

 

May exhibit doon ngayon ang Angry Woebots at si Dee Jae Pa’Este, dalawang Pinoy na artist na ngayo’y nakatira na sa US. Matatawag silang “aliens” dahil sa ibang bansa sila naninirahan, o mga native na nagbalik.

 

 

Pero kita sa poster na maaari ring maging alien ang katutubo. Ang panda na galing sa kalikasan ay maaaring magmukhang halimaw.

 

 

Ang mga taong-tribo ay maaaring magmukhang tunay na kakaiba dahil sa kanilang pagiging exotiko.

 

(more…)

 
 

Leave your comment

 Ang magic ramen ng Wabi-Sabi

by Be-Blogger Pilipinas on: Septiembre 28th, 2011

 

Matagal ko nang naririnig ang tungkol sa Wabi-Sabi, isang Vietnamese noodle house sa The Collective, Makati.

 

 

Madalas ko na rin itong nadaraanan, tuwing pupunta ako ng Ritual o dadalo sa iba’t ibang event. Tamang-tama lang at gutom ako nang huli akong nakabisita. (Akala ko noong una, nakaparada lang yung bisikleta sa harap. Display pala.)

 

 

Simple lang ang menu ng Wabi-Sabi.

 

 

Tsaa, siopao, siomai, sandwich, cracklings, at ramen.

 

(more…)

 
 

1 comentario

 Iba’t ibang daigdig ng Manga sa Ayala Museum

by Be-Blogger Pilipinas on: Septiembre 23rd, 2011

 

Kita kagad sa tarpolin sa labas ng Ayala Museum ang mga pangalan ng artist na kasama sa exhibitiong “Manga Realities”: sina Anno Moyoco ng “Sugar Sugar Rune”, Asano Inio ng “Solanin”, Igarashi Daisuke ng “Children of the Sea”, Kyo Machiko ng “Sennen Gaho”. Wakaki Tamiki ng “The World God Only Knows”, Harold Sakuishi ng “Beck”, Matsumoto Taiyo ng “No. 5″, at Kuramochi Fusako ng “Five Minutes from the Station”.

Aamining kong ngayon ko lang narinig ang mga pangalan nila, kahit na ang mga pamagat ng libro. Sa mga likha pa lang ni Hayao Miyazaki tulad ng “Nausicaä of the Valley of the Wind” ako lubusang na-eexpose (o sige, pati na rin “Death Note”). Pero dahil sa exhibit, gusto kong hanapin ang ilan sa mga graphic novel para masiyasat ang kuwento sa likod ng interesanteng mga tagaganap.

Isinama ko na sa mga larawan sa ibaba ang mga intro para sa mga artist at graphic novel para di ko na kailangang ipaliwanag nang mas mahaba. Hanggang October 2 ang exhibit. Sana makadalo rin kayo!

 

 

 

 

 

 

 

 

 

 

 

 

 

 

(more…)

 
 

Leave your comment

 Michael Cacnio x Lego sa Greenbelt 5, Makati

by Be-Blogger Pilipinas on: Septiembre 22nd, 2011

 

Nakita na natin ang mga eskultura ni Michael Cacnio noong huling ManilART exhibit, kung saan pinaghalo niya ang tanso at salamin.  Ngayon naman, nakipag-collaboration siya sa Lego, isang kumpanya ng laruan para muling magbigay-buhay sa mga pang-araw-araw na eksensa nating mga Pinoy.

 

 

Sino sa ating lumaki sa paglalaro ng buli-bulinggit na Lego ang makakalimot kung paano tayo nakabuo ng mga bahay, kotse, at iba pang gamit mula sa ating imahinasyon? (“Inspiration”)

 

 

Naaalala ko pang hila-hila ang kapatid kong babae sa luma naming Radio Flyer wagon.

 

 

 

 

Kaya lang di kami close ng kuya ko kaya wala kaming ganito.

 

 

Isa sa mga pinaka nakakaaliw sa exhibit. Kulang na lang ito ang pamagat: “Patayin sa Sindak si Bantay”.

 

(more…)

 
 

Leave your comment

 Isang hapon sa atelier ng Gold Dot

by Be-Blogger Pilipinas on: Septiembre 20th, 2011

 

Matagal ko nang gusto magpagawa ng sapatos, ang tatawaging “bespoke”. Nung sabado lang talaga ako nagkaroon ng oras at panahaon kaya naman minarapat kong bisitahin ang atelier ng Gold Dot, isang local shoe company, kahit na may kalayuuan sa Makati (sa may Congressional Avenue sa Quezon City).

 

 

Ang pangunahing dahilan ay magpagawa ng creepers. Suot ko dito ang prototype ng Gold Dot para sa uri ng sapatos na patag ang takong (para naman tumangkad ako kahit kaunti). Gawa ito sa pony hair, na may kasamang leather strap at metal buckle. Hihintayin ko dumating ang itim na version.

 

 

Pinakita sa akin ni Ally Duazo, ang designer at may-ari ng Gold Dot, ang kanyang leather swatches, para makapili ako sakaling ibang materyal ang gusto kong gamitin.

 

 

Kita rito ang iba pang kulay ng pony hair.

 

 

Ito naman ang “moodboard” ni Ally, kung saan ipinapaskil niya ang mga sketch ng kanyang mga design at ang pinaghuhugutan niya ng inspirasyon.

 

 

Ito ang ilan sa mga naipagawa na at naibenta sa mga customer.

 

(more…)

 
 

1 comentario

 Ang ika-33 na Manila International Book Fair

by Be-Blogger Pilipinas on: Septiembre 19th, 2011

 

Nilusong namin ang ulan at ang dala nitong trapik noong Sabado para makadalo sa 33rd Manila International Book Fair. Sa Exhibit Hall 1-4 ng SMX Convention Center ng Mall of Asia ginanap ang book fair.

 

 

Pagpasok na pagpasok, halos malula kami sa dami ng booth at pasilyo. Hindi isang klase lang ng aklat ang ibinibenta: bukod sa mga nobela at tula, marami ring aklat pambata, mga reference books, mga libro ng mga religious, at ang pinaka marami sa lahat ay reference books para sa iba’t ibang klase ng disiplina. Di sorpresa na pinaka marami sa mga dumalo ay mag-aaral.

 

 

May espesyal ring mga booth para sa Filipiniana: mga aklat tungkol sa ating sining, pagkain, kasaysayan, atbp.

 

 

Pinaka matagal kami sa booth ng UST Publishing House dahil may book signing.

 

 

Andun premyadong musikero, emcee, makata, at peryodistang si Lourd de Veyra para mag-autograph ng kanyang dalawang bagong libro: ang “Insectissimo”, mga tula; at ang “Super Panalo Sounds!”, ang kanyang unang nobela.

 

(more…)

 
 

Leave your comment