Pana-panahon ng maong

by Be-Blogger Pilipinas on: Marzo 16th, 2012

 

Tila di lamang maong na pantalong ang walang-sawang sinusuot ng kabataan. Sa dami ng iba pang uri ng damit na gawa rin sa maong, nagiging uso at madaling bumabalik sa uso pati ang maong na jacket, vest, at shirt.

(Si Danny Kelly mula sa Manchester)

 

 

Kung sa pantalon, maiintindihang praktikal ang maong. Pero ano ba ang meron sa shirt, jacket, at vest na gawa sa parehong tela?

(Si Mochine Aoki mula sa Casablanca)

 

 

Di naman sing astig ng leather jacket; di mabigat ang dating.

(Si Peter Adrian mula sa Los Angeles)

 

 

Kahit sa panahon ng taglamig, ginagamit pa rin ang denim (kahit na di siya kasing kapal ng wool, flannel, at fleece).

(Si Erick Salach mula sa Poland)

 

 

Siguro dahil, naging uri rin ng pagrerebelde and paggamit ng maong: parang dinala sa lungsod ang Wild West o ang Marlboro Country.

(Si Mike Quyen mula sa Bucharest)

 

Read the rest of this entry »

 
 

Leave your comment

 Ang kakaibang still life ni Rachel Rillo

by Be-Blogger Pilipinas on: Marzo 15th, 2012

 

Pansinin ang pagkakaputol ng salitang “actualities”.

 

 

Pininturahan ni Rillo ng akriliko ang sari-saring mga gamit, pinagsama-sama, at kinunan ng letrato para sa kanyang seryeng “Frozen Actualities”. “She Sells” ang pamagat nitong unang larawan. Mukha lang ba silang laruan? Basura sa baybayin? Naisip mo ba bigla ang mga alon dahil sa kabibe sa tuktok ng piramide?

 

 

May sinasabi ang pagkakapangalan nitong ikalawang letrato, “Succulents”. Dahil sa pagkakapinta, di na mukhang makatas ang mga bulaklak, ang dahon, at ang ulo ng alkatsopas (artichoke). Pero dahil sa pagkakapintura, tila may ibang ipinahihiwatig ang pinagsamang mga bagay. May iminumungkahi ang hugis ng mga talulot, ang rabaw (surface) ng dahon, ang mga anino. Bakit nahihiwalay ang alkatsopas? Tila iba ang pinagmumulan ng sustansyang makukuha sa larawan.

 

 

Lata at karaniwang plastik na lalagyan ng pagkain ang laman ng “Lid Never Fits”. Walang silang mga takip. Bigla natin naaalala ang mga panahong naghahanap tayo ng lalagyan pero walang kapares na takip. Ngunit pag tinitingnan natin sila ulit sa letrato, pininturahang puti, parang di na plastik o lalagyan ang ating maiisip. Biglang nagkakatawan ang mga bagay. Biglang ibinabalik sa atin ang pamagat: ano ba ang kaya mong ipagkasya?

 

Read the rest of this entry »

 
 

Leave your comment

 Oasis sa Hong Kong

by Be-Blogger Pilipinas on: Marzo 9th, 2012

 

Isa ito sa mga dinaraanan ko papunta sa trabaho nung nasa Hong Kong ako nang isang linggo.

 

 

 

 

Itong tinatawag na “central oasis” ay daluyan ng mga tao, karamihan papunta at pauwi mula sa trabaho.

 

 

Pintado ang mga dingding ng makukulay na larawang pambata.

 

 

May mga imahen ng mga puno, mga hayop, at mga taong tila matiwasay ang pamumuhay.

 

 

Kahit mga poste mayroong disenyo.

 

 

Mayroon pang mga buhay na halaman.

 

 

 

 

Parang ang sarap tumigil muna sa karaniwang mabilis na paglalakad para umupo sandali.

 

 

Pero ang higit na mahalagang pakay ng Central Oasis ay ang pagpapaalam sa mga mamamayan ng Hong Kong (at pati na rin sa mga bisita tulad ko) tungkol sa mga hakbang ng gobyerno sa pananatiling buhay at kapaki-pakinabang ang kalikasan sa kapaligiran. Isa na rito ang pagtataguyod ng sustainable na sistema para sa sariwang tubig.

 

Read the rest of this entry »

 
 

Leave your comment

 Kabataan ngayon

by Be-Blogger Pilipinas on: Marzo 8th, 2012

 

Hindi na bago ang makatagpo ng mga painting sa mall. Halimbawa, lagi na lang mayroong ibinibenta sa Power Plant Mall sa Rockwell. Nasanay na rin ako sa karaniwang segunda-klaseng kalidad ng mga likha. Kaya laking gulat ko noong isang linggo nang makita ko ang ilan sa mga larawan sa Glorietta sa Makati.

 

 

Itong una ay pinamagatang “Top Performer”, likha ni Emmanuel Servino. Ngangayunin (current) ang sitwasyon sa larawan: mga batang ipinagmamalaki ang iba’t iba nilang talento sa sining, sa pag-arte, at sa pag-perform ng kung ano pang maisip ng kanilang magulang. Tunay na circus ang kinalalabasan ng mga talent show, kung saan hindi na pinapabayaang maging musmos ang kabataan. Hindi na sila hinahayaang yumabong at umunlad ayon sa sarili nilang oras.

 

 

Isa pa sa mga larawang tinitigan ko nang mabuti ang “Overexposure” ni Dexter Sy. Tungkol din ito sa kabataan. Sa unang tingin, kita ang apat na bata, malamang magkakapatid. May riple sa ulunan at may mga matatanda (mas maliit na pigura) sa kanilang harapan. May halo sa ulunan ang bunso sa kanan. Ano kaya ang ibig sabihin ng larawan?

 

 

Paglapit mo lamang makikita na may nakaukit na mga puso sa kanilang mga mukha. May pekas-pekas din sila sa katawan na mukhang karamdaman ng balat (internal organs?). Uhugin ang tatlo sa kanila. Nakatitig kaya sila sa telebisyon? Media violence kaya ang pahiwatig ng baril sa kanilang ulunan? Sa isang banda, maaaring tingnang di wasto para sa kanilang edad ang kanilang pinapanood; sa kabila naman, maaaring sila naman ang pinapanood ng lipunan (ang maliliit na pigura ng matatanda) na labis ang pangungusisa.

Sa panahon ngayon na kahit maliit na bata ay mayroon nang iPad o iPhone, at may account sa Facebook at Twitter, mainam pagnilayan kung ano ang epekto sa kabataan ng labis-labis na pagka-materyalistiko ng lipunan. Paano nito nababago ang kanilang pagpapahalaga sa buhay? Anong epekto nito sa kanilang edukasyon, sa kanilang pagkatao? Mahalaga ang mga tanong lalo na’t madalas hindi magulang ang nagpapalaki sa kanilang mga anak, kundi ang kanilang mga yaya at ang media sa kanilang harapan.

(Hatid ng Paseo Gallery ang exhibit na hanggang ika-16 ng Marso sa Glorietta, Makati.)

El Bosquejo

 
 

Leave your comment

 Benetton sa Pinterest

by Be-Blogger Pilipinas on: Marzo 2nd, 2012

 

Sa wakas, nagbukas na rin ako ng sarili kong Pinterest account. Dati rati, pinapadala ko lang sa sarili kong email ang mga gusto kong itagong mga larawan, o nirereblog sa aking Tumblr account. Bago lang akong nakumbinsing mas madaling gamitin ang Pinterest para sa pagkalap ng favorite pics. Sa ngayon, halos wala pang laman ang aking account.

Syempre, isa sa mga una kong finollow ang Benetton sa Pinterest. Sa kanilang page, kita sa isang sulyap ang lahat ng bago nilang campaign, pati na rin ang ilan sa mga lumabas noon pang 1980s.

 

 

Halimbawa, makikita ang bagong Spring/Summer 2012 campaign ng Benetton.

 

 

Itong dalawa ang paborito kong larawan.

 

 

Naaliw din ako dahil unang beses ko pa lang nakita ang bagong campaign para sa kanilang kid collection.

 

 

Trench at pea coat para sa inyong chikiting?

 

Read the rest of this entry »

 
 

Leave your comment

 Akriliko, kadena, at turnilyo

by Be-Blogger Pilipinas on: Febrero 29th, 2012

 

Oo, hindi na bago ang paggamit ng acrylic (at iba pang uri ng resin at plastik) bilang kuwintas, hikaw, pulseras, at singsing. Simula 1980s (at malamang bago pa nito) pa ito nauso at ilang beses na ring bumalik sa uso. Pero nakakita ka na ba ng akrilikong nasa porma ng pakpak, robot, at paruparo?

 

 

Bahagi ng Spring/Summer 2012 collection ng Miadore ang ilang accessories na humuhugot ng inspirasyon mula pa sa sinaunang sibilisasyon ng mga Aztec. May mga kuwintas na mala-Rorschach ang dating, mayroon ding mukhang kuwago, alimango, at maskara. Tutal, sa kalikasan din naman galing ang inspirasyon ng mga Aztec.

 

 

Noong una kong nakita ang collection, naisip ko ring mukha silang mga constellation sa langit − ang mga turnilyo ang kumakatawan sa mga bituin.

 

 

Bahagi din sa mga bagong kuwintas ang ilang mukhang basag-basag na salamin.

 

Read the rest of this entry »

 
 

Leave your comment

 International jewelry fair sa Hong Kong

by Be-Blogger Pilipinas on: Febrero 24th, 2012

 

Nagkataong dinaraos ang Hong Kong International Jewellery Show nang bumisita ako dito para sa aking trabaho. Pumunta ako noong huling Linggo.

 

 

Buti na lang at nakapagrehistro ako online kaya di ko na kinailangang magbayad ng entrance fee.

 

 

Plano ko sanang libuting ang buong fair sa loob lamang ng ilang oras, pero medyo nalula ako sa layout: halos limang palapag ang lawak at dami ng mga booth. Galing sa iba’t ibang bansa ang mga nagtitinda: mula Switzerland, US, at South Africa hanggang Thailand, Japan, at Brazil.

 

 

Hindi ako pinayagang kumuha ng letrato sa marami sa mga booth, pero heto ang ilang nakabibighaning larawan mula sa guidebook. Itong eskultura ng Tsinong mandirigma ay gawa sa korales.

 

Read the rest of this entry »

 
 

Leave your comment

 Art in the Park sa Salcedo Village

by Be-Blogger Pilipinas on: Febrero 22nd, 2012

 

Nitong huling sabado lang yata ako nakakita ng ganoong karaming larawan at eskultura sa isang pampublikong parke. Dinayo nang husto ang “Art in the Park” sa Jaime Velasquez Park, Salcedo Village sa Makati. Pagkapasok na pagkapasok mo pa lang, maeengganyo ka agad mag-ikot at maglibot.

 

 

Pinaka nagustuhan ko ang mga eskultura nina Charlie Co at Pete Jimenez na bumati sa mga bisita sa bungad.

 

 

Ganito kaya magalit ang kaldero sa pang-aabuso ng mga kusinero?

 

 

Di mo aakalain kung saan galing ang mga gamit na pinagsama-sama ni Jimenez para bumuo ng iba’t-ibang hugis at anyo ng metal.

 

Read the rest of this entry »

 
 

Leave your comment

 Pagliliwaliw sa Makati at Maynila

by Be-Blogger Pilipinas on: Febrero 17th, 2012

 

Mahilig ako mamasyal at maglakad. Siguro kung di ito totoo, maraming taong di ko nakilala at lugar na di ko napuntahan - mga pagtatagpong di sinasadya. Lalo na kapag di naman ako nagmamadali, kapag di naman kalayuan ang pupuntahan, mas gugustuhin kong maglakad.

 

 

Eto ang ilan sa mga larawang kuha gamit ang aking point-and-shoot, mula pa siguro noong 2009. Karamihan sa mga tao at lugar nadaanan ko lamang habang papunta o pauwi mula sa opisina sa Makati, o sa Quiapo at Divisoria.

 

 

Minsan, ipapara ko talaga ang jeep o bababa ako sa taxi, para lang makita o makunan ang biglang pumukaw sa aking paningin.

 

 

Oo, mababaw ako. Kahit simpleng sampay, napupulutan ko ng kasiyahan.

 

Read the rest of this entry »

 
 

Leave your comment

 Hot Air Balloon Fiesta sa Pampanga

by Be-Blogger Pilipinas on: Febrero 16th, 2012

 

Huli na nang narinig kong meron palang 17th Philippine International Hot Air Balloon Fiesta sa Clark Airfield sa Pampanga mula ika-9 hanggang ika-12 ng Pebrero. Buti na lang at nagpaunlak ang isa kong kakilalang maraming kuha mula sa event.

 

 

Di lang pala hot air balloon ang makikita sa fiesta, meron ding kite flying, aerobatic flight display, sky diving, paragliding, rocketry, at marami pang iba.

 

 

Pero siyempre, ang hot air balloons pa rin ang pinaka inaabangan.

 

 

Saan ka ba naman makakakita ng lumilipad na birthday cake.

 

Read the rest of this entry »

 
 

Leave your comment