Hot Air Balloon Fiesta sa Pampanga

by Be-Blogger Pilipinas on: Febrero 16th, 2012

 

Huli na nang narinig kong meron palang 17th Philippine International Hot Air Balloon Fiesta sa Clark Airfield sa Pampanga mula ika-9 hanggang ika-12 ng Pebrero. Buti na lang at nagpaunlak ang isa kong kakilalang maraming kuha mula sa event.

 

 

Di lang pala hot air balloon ang makikita sa fiesta, meron ding kite flying, aerobatic flight display, sky diving, paragliding, rocketry, at marami pang iba.

 

 

Pero siyempre, ang hot air balloons pa rin ang pinaka inaabangan.

 

 

Saan ka ba naman makakakita ng lumilipad na birthday cake.

 

(more…)

 
 

Leave your comment

 Ang parol at ang Paskong Pinoy

by Be-Blogger Pilipinas on: Octubre 26th, 2011

 

Sa biyahe pauwi kanina, may nadaanan akong tindahan ng parol malapit sa Osmeña Highway. Napansin kong habang lumilipas ang panahon, di lang kumokonti ang mga parol sa kalsada; di na rin ganon ka-excited ang mga tao pagdating ng Setyembre. Minsan pinalilipas pati ang Oktubre at Nobyembre nang wala masyadong ilaw, kulay, at palamuti sa Maynila.

 

 

O baka nasa maling lugar lang ako. Naaalala ko tuloy dati ang tabi-tabing mga tindahang ng mga parol sa iba’t ibang hugis ng bituin. Parang paputok: iba-iba rin ang pagkakasunod-sunod ng mga ilaw.

 

 

Ang parol na siguro ang pinaka Pinoy na bahagi ng ating Pasko. Hindi si Santa Claus, dahil wala naman tayong mga chimney (at hindi lalo na ang mga reindeer). Hindi ang belen, at hindi ang Noche Buena, na pawang galing Espanya. Totoo, ang imahen ng bituin ng Bethlehem ay galing sa Bibliya, ngunit ang pagpapalamuti nito bilang parol ay tanging atin.

 

 

Sa totoo lang (di ko alam kung dahil tumatanda na ako) mas gusto ko pa nga ang ganito kasimpleng parol: kulay puti lang at yari sa kapis.

 

 

O yari sa simpleng kawayan at papel de hapon. Mas malapit sa puso, lalo na’t sigurado akong ang unang Pasko ay ganito rin katahimik at kadalisay. Kasimpayak ng munting pagdiriwang sa isang dampa.

 

El Bosquejo

 

(Mga larawan mula sa: Gapnud, kay Mon Abasolo, sa Gohucasoneric, atbp.)

 
 

Leave your comment